Viser innlegg med etiketten flowers. Vis alle innlegg
Viser innlegg med etiketten flowers. Vis alle innlegg

lørdag 28. juli 2018

More babyquilt, knitting, nature and good reads!

An amazing summer! Some sewing and reading in this blogpost. 


Dette har vore ein utruleg sommar kva vedkjem veret! Varme dagar heile tida, ein og annan dag med litt regn, burde sjølvsagt vore mykje meir sett ut frå plagene i jordbruket og den forferdelege skogbrannfaren. Eg har vore ille plaga av eit gnagsår som starta lite og blei stort og betent...så dermed blei det stogg i fjellgåinga nokre veker. 

Endå eit babyteppe blei laga og overlevert. Dette er meir i vognteppe-storleik. Koseklut høyrer med.


 Eg tok meg på tak og strikka ferdig kanten rundt Løvli-sjalet. Sjalet blei kjempefint, tykkjer eg. Eg har brukt lamull frå Rauma. Litt usikker på om det burde vere endå meir strekt/blokka.



Ein forsinka gjebuspresant frå Hilde, garn frå Hillesvåg! Dette er det mest eksklusive og gode bomullsgarnet eg har strikka i, trur eg.


Vask av golvteppe er ein typisk sommaraktivitet... Vi har hatt skikkeleg opprydding i år. "Mørkeloftet" har blitt tømt for gammalt skrot, og helst vil ein ha total oversikt og system i heile huset på ein gong. DET går ikkje. Dermed blir det litt uryddig over alt ein periode.

 

Juli månad har vore "staycation". Veret har vore alldeles nydeleg, og sidan eg har vore heime, har blomane fått jamnt med vatning og stell.










Ein kveld kom litt regn...

Frå lufteverandaen vår har vi fin utsikt, både rett bort i furukronene, men og over fjorden. I tillegg er det nordvendt, og ikkje så gnalljande hett som på sørsida av huset...






Storytel


Det viste seg at "Svenska gummistøvlar" er eit fritt framhald av "Italienske sko" som kom ut ca. 10 år tidlegare. Ja, dermed måtte eg høyre også denne boka. Det var litt merkeleg, ettersom eg då visste kva som skjedde med dei forskjellige karakterane... Men boka er fantastisk, innlesen på originalspråket!


"Italienske sko" av Henning Mankell


Jan Guillo sin slektskrønike held fram. Eg høyrer no på bok nr. 6 av til no 8. Storytel kom med denne boka for nokre dagar sidan. Boka er litt forvirrande i starten sidan "eg-personen" er eit barn som fortel til tanta si, som var hovudfigur i Blå stjerne. Dette gjekk opp for meg etter kvart... Men det er veldig bra at det kjem små flashbacks undervegs, som gjer at ein hugsar gangen i forteljinga.  Denne serien høyrer eg på norsk.
Særleg denne boka kan minne om Ketil Bjørnstad sine bøker frå midten av 1900-talet og utover.


  Her  er eit intervju med forfattaren, der han mellom anna framhevar det som eg har tykt har vore mest interessant undervegs. Det gjeld dei 2 verdskrigane, som blir skildra frå ein heilt annan synsvinkel enn vi er vane til frå historiebøkene  frå sigerherrane si side.

Her er ei kort omtale av boka.

Ekte amerikanske jeans av Jan Guillou (Nedlastbar lydbok)

fredag 13. juli 2018

Baby quilt and more Storytel!


Self composed baby quilt for my new grand niece. Scrappy quarter log cabin blocks. Flannel on the back. On purpose not so much quilting, I wanted a fluffy feeling.  Very satisfied!



Blomar som trivast akkurat no.







Meir Storytel

To bøker der eldre menn er hovudpersonar, ein treng kanskje ha ei viss livserfaring før ein set pris på denslags... uansett set det i gong refleksjonar eg trur ein har godt av.

Stoner av John Williams, "eit lavmælt meisterverk", meisterleg lese av Kim Haugen. Må berre anbefale!

MAGISK: – Det er ikke godt å si hva det er ved denne boken som griper fatt i deg. Som all stor litteratur rommer den noe udefinerbart – ja, noe magisk – som du hele tiden fornemmer uten helt å klare å sette ord på det, skriver VGs anmelder Tom Egeland om John Williams roman «Stoner» fra 1965.

Svenske gummistøvler av Henning Mankell

Denne perla av ei bok, Mankell si siste, høyrer eg på framleis, innlesen på svensk. Må berre anbefale!

mandag 9. juli 2018

The Japanese Lover...

This is a long blog post about a great novel, some sewing, some excursion in our area, and some flowers. I've heard the expression "staycation", which I think is how I spend part of the summer vacation. My vacation lasts for the whole summer, while my husband's doesn't start until last week of July. There are so many things to do during staycation, i.e. explore new places in the surroundings, make some "Marie Kondo-clean-up", gardening, sewing, workouts, hiking, watching good series on Netflix (Foyle is my favourite at the moment), looking after  daughter's dog, you name it...all this without panicing that everbody else go abroad for at least one or two weeks..you know..

Link til Bambisyr, visa och beretta og Love, laugh Quilt, Monday making.



Isabel Allende si bok Den japanske elskeren er ei bok eg varmt kan anbefale. På ein måte er det ei feelgood-bok, ein sjanger eg ikkje er spesielt begeistra for. Likevel er dette av eit anna kaliber enn den vanlege kiosklitteraturen. Allende er berre heilt fantastisk i sin forteljemåte! Gå gjerne inn på lenka og les omtala.

Eg abonnerer på Storytel i sommar, og i påvente av at bok nr. 6 i Jan Guillot-serien skal kome der, kom eg tilfeldigvis over denne perla. Ho blir lesen på engelsk, noko som i seg sjølv gir ein ekstra dimensjon til opplevinga. Eg ser forøvrig at Fabel, ein annan  lydbokapp (gratis i 1 md), har boka innlesen på norsk.

Storytel er veldig brukarvennleg, og for folk som høyrer lydbok i senga, er der innstilling for kor lenge ein vil at lesinga skal gå før den stoppar....Bøkene kan høyrast om dei er nedlasta eller ikkje.

Frå syrommet

Eg høyrer mest bok på syrommet. Her viser eg nokre fleire løparar/brikker eg har laga.No har eg brukt opp alle Tilda-bitane, og ein god del av Camille Roskelley-bitane. Desse går altså ut av "sortementet" mitt.
Det er eigentleg litt rart at av alle mønster, blad og bøker eg har, så likar eg best å improvisere, la det bli til undervegs, slik som her. Her har eg brukt twisterlinjalen, ein av dei få linjalane eg faktisk bruker ein del (ut av haugen eg har i skuffa).
Det er altså stort forbetringspotensiale på mange frontar her!
Kathrine freista med low volume-stoffpakke og artig putemønster. Skal tru om mønsteret vert brukt?



Tur i Eid kommune med utsikt til Gloppen kommune!

Her om dagen var ei god veninne og eg på kombinert hyttetur og utflukt. Vi køyrde over Hundvik-fjellet og heilt ned til fjorden på andre sida, Hundvika. På bilete nr. 1 ser vi inn til Hestenesøyra. Nr. 2 viser Skeistranda, ei veglaus grend der det framleis bur eit par menneske, der ingen skulle tru at nokon kunne bu. Over denne grenda er Skjæringane, fjellrekkja aust for Gjegnen som vi ser så godt frå hytta i Remmedalen. Vilt og vakkert, ja. Gjegnen ser vi ikkje frå Hundvika, men til gjengjeld Bukkenibba. I Hundvika bur ein del menneske, og det er berre utruleg med den vegen på vinterstid!




Litt blomar frå platten heime. 
Rosa i midten er den einaste vi har, bortsett frå Rosa Rugosa. Her er ikkje eigna til roser. Men denne har no overvintra i 2 år i same kassa på platten. 





mandag 2. juli 2018

July already!


 Ny liten løpar til gåvekorga. Stoffa her er frå Camille Roskelley.

Link til Bambisyr, visa och beretta.


Greinnellik, eller er det busk-?, gammaldags fleirårig plante.


Den blå valmuen for ille i stormkasta på gjebussen min... Det same gjorde fleire andre stauder.
Men frøkapslane er dekorative, dei og.


Bilete frå Heida, Remmedalen.



Bilete frå heimstaden min på Stårheim.


Revebjølla toler mykje!




Det var ein gong! Svært mange i slekta har utruleg gode minne frå denne staden, der foreldra mine og eg budde frå 70-talet og framover. Samlingspunkt! Vemod. Ei tid som er borte.



mandag 21. mai 2018

Another finish, a UFO, flowers and birds.

Another quilt is finished, Svennebrevet, a BOM from Lappemakeriet (2011). 


23. mai 2011 laga eg det første innlegget om Svennebrevet på gamlebloggen  min (blogginnlegg nr. 500). 
I dag 21. mai 2018 blei prosjektet fullført. 7 år, det er utruleg!
Toppen har lege ferdig i fleire år, men likevel... Uansett, no er prosjektet i hamn, med deilig lun fleece på baksida. Det skal vere slumreteppe. 

Lappemakeriet har hatt mange fine månadsblokker. Eg har laga nokre av dei. Eg diggar stoffa dei plukkar ut, ei blanding av repro og nyare stoff. 

Eg har lagt ut eitt prosjekt for sal, husteppet, men sidan ingen vil kjøpe det til redusert pris, trur eg at eg likevel bestemmer meg for å sy det sjølv.








Sommarblomster er komt i krukker. Rekordtidleg for min del, men vi har hatt stabilt sommarver i fleire veker no, så det kan ikkje vere så mykje å vente med.



Fuglane er framleis på besøk for å få mat. No er blada kome på trea, så det blir eit anna uttrykk i bileta. Berre vanlege fuglar denne gongen. Fine er dei. Og framleis kan vi nyte fuglesongen om kvelden og tidleg på morgonkvisten.