søndag 13. januar 2019

Kurshelg på Eid.

Link til Bambisyr, visa och beretta.
Link to Monday Making.

Denne helga arrangerte naboklubben, Nordfjord Lappe- og Quilteklubb eit kjempekjekt kurs på Stokkenes Gjestegard. Dette er eit veldig fint kurslokale, og er klubben sin faste plass til møter og kurs.
Denne gongen var det Mali Storli Engedal som underviste i moderne quilting. Mali er med-administrator i facebookgruppa Moderne skandinaviske quiltere, og har oversikt over det meste som rører seg i denne sjangeren. Libs Elliot er truleg favoritten hennar. Eg vil anbefale å sjekke ut denne linken og sjå kva denne fascinerande dama driv med!



Dette er rebel-quilten som alle sydde på i helga, nokre stor og nokre i ein mindre storleik. Desse to kviltane er Mali sine.


Fleire Libs-kviltar som Mali har laga:



 Double trouble Quilt!


The Watcher Quilt!






Her er starten på mitt arbeid...


 Eg måtte sjølvsagt putte inn nokre Libs-stoff!


Meir glimt frå kurslokalet:

Veldig god linjal!!

Prosjektmappa til Aud!





Tusen takk til klubben for eit spenstig kurs!

søndag 6. januar 2019

New year's plans....



Link to ScrapHappy Saturday.
Link to Oh Scrap
Link to Bambisyr, visa och beretta

Some finishes from last year, some ufos to be working on this year, some challenges!



Eg har gått gjennom fjorårets "større" finishar, nokre av dei var ufoar etter mønster (nr. 1 og 3), og
dei 2 andre var såkalla scrapquilts, utan mønster.












Ved eit årsskifte vert det publisert mange forskjellige ufo-utfordringar og andre sy-utfordringar, både på facebook og på bloggar.

Eg er forsiktig med å "binde" meg til slike ting, vil stå mest mogeleg fritt og vere kreativ etter innfallsmetoden, men det er ikkje til å stikke under ein stol at det hadde vore stas å få ferdig nokre av tinga som ligg på vent.

Her er nokre prosjekt som skal få merksemd no i starten av året:

Chick Country frå Sew Kind of Wonderful


Row by Row frå Jeanette White & Erin Hamilton



Gratismønster frå Peggy, mug rugs til jul...


Stjerneløpar frå AnnaKa

 Summer Sampler 2018 frå Freshly Pieced



Julvanten, samstrikk på facebook, frå Jærbo



Eg har også lyst å vere med på "farge-utfordringa" Rainbow Challenge, då eg likar godt å bruke opp restar. Klikkbar link i høgre marg.
SoScrappy

Eg likar veldig godt å lære nye ting, og derfor har eg meldt meg på Mrs Moen sine utfordringar, eg prøver i første omgong 6 md. Nina Lise Moen lagar utruleg fine og gode videoar, og dette blir "småprosjekt" på si. Morosamt! Sjekk det ut på Facebook om nokon vil henge seg på her.

Nina Lise Moen sitt bilete.


mandag 31. desember 2018

Happy New Year!

Det er siste dagen dette året 2018. Det har vore eit år på mykje godt, og ein del vondt, akkurat slik som livet er!
I dag er det mørkt og ekstremt vått ute. 

Link til Bambisyr!
Eg har teke opp att halskanten på denne genseren, og strikka han "høg". Trur eg skal bli enda meir fornøgd med han no. Mayalove strikka i Air frå Drops.


 Dette Dotted Rays-sjalet av Stephen West har lege lenge nesten ferdig, då eg slapp opp for garn. Eg brukte ein del energi på å kome inn att i mønsteret, men det gjekk. Sjalet skal vaskast og blokkast lett.  Garnet heiter Emozione frå Mondial.




 Nokre av julegåvene eg ga vekk. Det blei altfor lita tid til syaktivitetar før jul, så mange av gåvene ligg der halvferdige...



Sorbet-bluse i Tilia frå Filcolana, blei ferdig 1. juledag. 
Eg måtte nemleg ta opp att ermekanten, då den var for stram. Genseren er strikka ovanfrå og ned, og då kan avslutningskanten vere ei utfordring å få passe.



Denne hausten har eg greidd å legge om kosten og kome ned på normal BMI, med alle dei helsefordelane det medfører. 
Eg anbefaler nok ein gong å lese Irina Lee si bok "Spis deg fri", fri frå matmas, cravings, søthunger mm, basert på amerikansk hjerneforsking. Ein et alt, unnateke mjøl og sukker. Eg vonar at vanane etter kvart blir så automatiserte at dei kan bli varige. 


Det aller beste året hadde å by på, var barnebarn nr. 3, som kom på kongens bursdag i februar! Til saman er dette eit trekløver som lyser opp tilveret!

 Godt nytt år!

onsdag 12. desember 2018

Snart jul!



Det er 12. desember i dag. Eg starta fri-onsdagen med spinning som vanleg. Sidan blei det litt tid på syrommet, der eg nesten ikkje har vore dei siste månadene. 
Eg er komt halvvegs i adventskalenderen eg fekk med yngstejenta. Det er min aller første adventskalender, så overraskinga var stor! Vi har ikkje akkurat hatt store tradisjonar med slikt her i heimen. 
Temaet i kalenderen er stretchy stoff. Det passar veldig godt no som eg har skaffa meg overlock. 




Eg har sydd 4 små sagtagg-stjerner i dag. Her er dei lagde ut på den vesle designertavla eg kjøpte på Made By Me- messa i haust.


For eit par laurdagar sidan var Hilde og eg på Tore-garden i Leivdalen i Eid. Sølvi har gjort ein fantastisk jobb med låven. Ho var nøgd med å få opna til julehandelen tok til.





I det vesle raude huset ved sidan av er der eit lite "help yourself" mat/drikke-utsal. 


Isak får prøve seg på nyekjøkkenet. Framleis er der småting som ikkje er heilt ferdig. Kjøkkenet er funksjonelt og godt, og eg er begynt å forstå den nye elektronikken på komfyren... 


Noah er ein liten røvar på snart 10 md. Han veit svært godt at trappa vår er forbode, og har den farta mot den... Heime har dei enn så lenge ikkje slik trapp. 


Denne her er jo humoristisk og fin, men med eit visst alvor!


Desembermøtet i Gloppen Lappe- og Quilteklubb var samtidig 20 års jubileumsfest for klubben. 
Eg lagar eit blogginnlegg på heimesida vår.